Protesta në Fier, gjykata jep masën për 4 të arrestuarit

Gjykata e Fierit ka dhënë vendimin për katër të arrestuarit në protestë më datën 9 mars.

Tre prej të arrestuarve janë nga Patosi dhe një nga Roskoveci. Ata janë Behar Xhelo 56 vjeç, Besnik Jaupaj 56 vjeç, Gezim Balla 56 vjeç dhe Hysen Hoxha 59 vjeç.

Gjykata e Fierit dha masën “detyrim paraqitje” për të katërt të arrestuarit, teksa akuzoheshin për veprat penale “Organizimi dhe pjesëmarrja në grumbullime dhe manifestime të paligjshme” dhe “Pengimi i qarkullimit të mjeteve të transportit”.